Kom i gang

Losen er ein fediverse-klient. Du loggar inn med kontoen du alt har, til dømes på Mastodon, og les tidslina di gjennom straumar du skriv sjølv. Losen er ikkje ein eigen tenar, så du treng ingen ny konto.

Kven kan logga inn?

Losen på losen.social er open for ei liste med kontoar enno. Står du ikkje på lista, får du ei melding om det når du prøvar å logga inn. Vil du prøva, sei frå.

Logg inn

1. Opna losen.social.
2. Skriv tenaren din, til dømes skvip.lol eller mastodon.social, og trykk Logg inn.
3. Tenaren din spør om Losen får lesa tidslina di og skriva innlegg, favorittar, bokmerke og media. Sei ja.
4. Du blir send tilbake til Losen, som hentar om lag 800 innlegg frå heimetidslina di og så følgjar nye innlegg live.

Losen registrerer seg som ein app som heiter Losen på tenaren din fyrste gong. Innlogginga blir lagra kryptert, så Losen held fram med å lesa tidslina di sjølv om du lukkar fana.

Mastodon og slektningane

Losen snakkar med tenaren din gjennom Mastodon-API-et. Det verkar på Mastodon, og i ulik grad på GoToSocial, Akkoma, Pleroma, Sharkey og andre som tilbyr same API.

Det fyrste du ser

Sida visar straumar side om side, i kolonnar. Fyrst har du berre Kronologisk, den vanlege tidslina di med det nyaste øvst.

• Statuslina øvst seiar korleis innlegga kjem: Direkte når Losen får dei straks, eller Hentar kvart minutt når tenaren ikkje tilbyr live-straumen.
• Poenget på kvart innlegg kan du trykka på for å sjå kvifor det står der.
• Skriv opnar eit nytt innlegg.

Lag din eigen straum

No byrjar moroa. Trykk Ny straum, og følg Din fyrste straum.

Logg ut

Logg ut står nedst i menyen til venstre. Då sluttar Losen å lesa tidslina di, og gjev innlogginga tilbake til tenaren din. Logga du ut frå siste økt, blir innlogginga sletta òg.

Vil du køyra Losen sjølv?

Losen kan køyrast lokalt på eigen maskin, med ekte tidsline eller med oppdikta demo-innlegg. Korleis står i README-fila i kjeldekoden.