Ofte stilte spørsmål

Er Losen ein Mastodon-tenar?

Nei. Losen er ein klient, som ein app. Du loggar inn med kontoen du har, og innlegga dine blir verande på tenaren din.

Kva tenarar verkar?

Mastodon, og i ulik grad andre som tilbyr Mastodon-API-et: GoToSocial, Akkoma, Pleroma, Sharkey, Iceshrimp og fleire. Støtte for ActivityPub-klient-API-et er planlagt.

Kvifor ser eg berre om lag 800 innlegg bakover?

Mastodon tek vare på om lag 800 innlegg i ei heimetidsline. Difor tek Losen vare på det han ser, i staden for å spørja etter historikk seinare. Jo lenger Losen køyrer, jo meir har han.

Er det maskinlæring her?

Nei. Kvart poeng kjem frå reglar du har skrive, og forklaringa visar kva for nokre.

Kan ein straum frå nokon andre gjera noko skadeleg?

Nei. Språket har ingen løkker, filer eller nettverk, og køyrer innanfor ei tidsramme. Ein straum kan berre sortera og gøyma innlegg i di eiga tidsline.

Kvifor heiter det Losen?

Losen er losen, han som vegleier skipet trygt inn. Logoen er signalflagget H, som tyder «eg har los om bord».

Kvifor er grensesnittet på nynorsk, men straumspråket på engelsk?

Straumane skal kunna delast med folk over heile fediverset, så orda i språket er engelske. Feilmeldingane er òg på engelsk enno.

Kor kan eg lesa meir om tanken bak?

På om.losen.social.